व्याकुल माईला र शिशिर योगी सिन्धुलीमा सम्मानित

दिपक श्रेष्ठ, 
दुम्जा (सिन्धुली), वैशाख २४ ।

राष्ट्रगानका रचनाकार व्याकुल माइला (प्रदीपकुमार राई) र गायक शिशिर योगी अभिनन्दित हुनुभएको छ । सिन्धुली जिल्ला कुशेश्वर दुम्जास्थित देवीस्थान माध्यमिक विद्यालयको २४ औं वार्षिकोत्सवको अवसरमा उहाँहरुलाई अभिनन्दन गरिएको हो ।

कार्यक्रमका प्रमुख अतिथि प्रा.डा.विद्यानाथ कोइरालाले स्रष्टाहरुको अभिनन्दन गर्दै राष्ट्र निर्माणमा आ–आफ्नो क्षेत्रमा सक्रिय योगदान पु¥याउनेहरुलाई अभिनन्दन गर्नु आफैँमा असल काम भएको बताउनुभयो । 

उहाँले गुणस्तरीय शिक्षाका लागि विद्यालयले गरिरहेको पहल प्रसंसायोग्य रहेको भन्दै राष्ट्रगानका सर्जक र वरिष्ठ गायकलाई अभिनन्दन गरिरहँदा विद्यालय आफैँ सम्मानित भइरहेको धारणा व्यक्त गर्नुभयो । त्यस्तै, सिन्धुलीका जिल्ला शिक्षा अधिकारी चन्द्रप्रसाद लुइटेलले गुणस्तरीय शिक्षाका लागि विद्यार्थी, अभिभावक, विद्यालयको वातावरणलगायत धेरै कुराको संयोजन आवश्यक रहने बताउनुभयो ।

उहाँले शिक्षा क्षेत्रको विकासमा आपूm इमान्दारसाथ लागेको बताउँदै गलत कुराको समर्थनमा उभिन नसकिने विचार व्यक्त गर्नुभयो । कार्यक्रममा व्याकुल माइलाले बालबालिकामाथि गरिएको लगानीबाट राष्ट्रले धेरै पछि असल प्रतिफल प्राप्त गर्ने बताउनुभयो ।

उहाँले सार्वजनिक विद्यालयका कार्यक्रमहरुमा भ्याएसम्म आफू पुग्ने गरेको भन्दै सर्जकहरुको गाउँमा सम्मान पाउँदा निकै शुखी लागेको बताउनुभयो । कार्यक्रममा गायक शिशिर योगीले म एउटा मानिस खोजीरहेको छु..., सारङ्गी जति रेटे पनि बज्छ मीठो धून...लगायत गीत प्रस्तुत गर्नुभएको थियो । कार्यक्रममा विद्यार्थीहरुले गीत, नृत्य, नाटक प्रस्तुत गरेका थिए । गायक शिशिर योगी सिन्धुलीको एक ग्रामिण विद्यालयमा गएर म एउटा मानिस खोजीरहेको छु..., सारङ्गी जति रेटे पनि बज्छ मीठो धून.गीत गाएको सुन्दा खुसी लागेको छ ।