दोलखामा मासुको मूल्य निर्धारण

दोलखा,कात्तिक २४ । 

दोलखामा खसीको मुल्यमा भएको बृद्धि र राँगा भनेर भैँसीको मासु विक्री वितरण भएको गुनासो आएपछि  जिल्ला पशु सेवा कार्यलय दोलखाले मासुको मुल्य निर्धारण गरेको छ । खसीको मासु प्रति बेजी आन्द्रा भुडी बाहेक ४ सय ४० रुपौयाँ, राँगाको प्रति केजी २ सय ३० रुपौयाँ यस्तै भैँसीको प्रति केजी २ सय रुपैया निर्धारण गरिएको छ । यस्तै  भेडाको प्रति केजी ४ सय, बङ्गुर प्रतिकेजी २ सय रुपैया निर्धारण गरिएको छ भने खुल्ला ठाउँमा मासु विक्री वितरण गर्न रोक लगाईने भएको छ । 

दोलखामानै प्रयाप्त मासु खपत हुने भएपनि सम्बन्धित निकायले चासो नदिदा बाहिरी जिल्लामा निर्यात हुने गरेकाले गाउँमा गएर खसी लिदा महगो मरेकोले मुल्य बढाउन बाध्य भएको मासु व्यापारीहरुले बताएका थिए । जिल्ला पशु सेवा कार्यलय दोलखाका प्रमुख रामचन्द्र देवकोटाले अवबाट खुल्ला ठाउबाट मासु विक्रि वितरणमा रोक लगाउने, सफा पानी र मासु काटने उपकरणहरु राखेर मात्र मासु विक्री वितरण गर्न व्यापारीहरुलाई आग्रह गर्दै त्यसो नभए कार्वाहि गरीने बताउनुभयो ।