सिन्धुलीगढीमा आज विजयोत्सव मनाइदै

सिन्धुली,कात्तिक २४ । 

ऐतिहासिक सिन्धुलीगढीमा आज विजयउत्सव मनाईदैछ । नेपाल पत्रकार महासंघ सिन्धुली शाखाको आयोजनामा कात्तिक २४ गते अर्थात आजकै दिन सिन्धुलगढीमा विजय उत्सव मनाईने गरिन्छ ।  वीर गोर्खाली फौज र सिन्धुलीवासीले अग्रेज फौजलाइ पराजित गरेको दिनको संझनामा विजयी उत्सव मनाइने भएको हो । 

सिन्धुलीगढी परिसरमा रहेको पौवागढीमा नेपालको झण्डा फहराएर विजय उत्सवको शुरुवात गरिने भएको छ । विसं १८२४ कात्तिक २४ नेपाली फौजको नेतृत्व सहित बंशु गुरुङ, श्रीहर्ष  पन्त र बंशराज पाण्डे लगायतको टोलीले अग्रेज फौजलाइ सिन्धुलीगढीवाट परास्त गर्न सफल भएको विभिन्न शिलालेखमा उल्लेख गरिएको छ । विजयमहोत्सवमा मोटरसाइकल रयाली, लोपोन्मुख खैंजडी भजन, पञ्चेबाजा, नाचगानका  साथमा राष्ट्रिय कलाकारहरुबाट हास्यव्यङग तथा लोकसंगित लगायतका विविध कार्यक्रम हुनेपनी आयोजकले जनाएको छ ।