यसवर्ष भाइटिकाको साइत ११ बजेर २३ मिनेट उत्तम

काठमाण्डौ,कात्तिक २४ । 

यमपञ्चकको अन्तिम दिन ३० गते बिहान ११ बजेर २३ मिनेट भाइटीका लगाउनु उत्तम रहेको छ । पर्सीदेखि यमपञ्चक शुरु हुने र भाइटिका लगाउने समय भने ११ बजेर २३ मिनेट उत्तम भए पनि दिनभर नै टिका लगाउन सकिने पंचाङ्ग निर्णायक समितिले जनाएको छ । यसदिन दाजुभाइ, दिदीबहिनीले आपसी स्नेह, सत्कार तथा पूजा गरी भाइटीका मनाउँदा दाजुभाइको यश तथा आयु बढ्ने र उनीहरू सुखी तथा सम्पन्न हुने विश्वास गरिन्छ ।