बर्दिबासमा तरकारीको मुल्य उच्च

४ असोज,भोजराज कोइराला,महोत्तरी

चाडबाड नजिकिदै गर्दा महोत्तरीको बर्दिबासमा हरियो तरकारीको मुल्य उच्च भएको छ । स्थानीय उत्पादन बन्द हुनु चाडबाड नजिकीनु र केहिदिन देखि लगातार परेको झरी तरकारीको मुल्य उच्च हुनुको मुख्य कारण भएको व्यापारीहरुले बताएका छन् । 

अहिले बर्दिबासमा प्रतिकिलो ३५ रुपैंया भन्दा कममा कुनै तरकारी नपाइने उपभोक्ताहरु बताउँछन् । सिजन नभएका कारण अहिले स्थानीय किसानहरुले उत्पादन गरेको तरकारी बजारमा आउन छाडेपछि बर्दिबासका व्यापारीले मकवानपुरको दामन र पालुङमा उत्पादन भएको तरकारी हेटौडाबाट ल्याएर बिक्री गर्ने गरेका छन् ।