बाघको आक्रमणबाट सिन्धुलीमा एक बालिकाको मृत्यु

जेठ ४

सिन्धुलीमा बाघको आक्रमणबाट एक बालिकाको मृत्यु भएको छ । सिन्धुलीको सिर्थोली गाविस ९ लोसे निवासी सोमबहादुर तमाङकी ६ वर्षीय छोरी गगां तामाङको मृत्यु  भएको प्रहरीले जनाएको छ ।  

घरनजिकै पिसाव गर्न गएको अवस्थामा वनवाट आएको वाघले गएराती तामाङलाई   लगेको थियो । आज बिहान बालिका नजिकैको जङ्गलमा मृत अवस्थामा फेलापरेको जिल्ला प्रहरी सिन्धुलीका प्रहरी नायव उपरीक्षक जनक भट्टराईले जनाकारी दिनुभयो ।