प्रहरीद्वारा ४० क्विन्टल गाँजा सहित ६ जना पक्राउ

सिन्धुली दर्पण/माघ ८ -

मकवानपुरको मनहरीबाट पूर्वतर्पु जाँदै गरेको ना ३ ख ४५८० नम्बरको कन्टेनर ट्रकमा चाउचाउको  प्याकेट भित्र लुकाएर लगिरहेको करिब ९० पोका गाजा सहित ६ जनालाई सर्लाही प्रहरीले पक्राउ गरेको छ । पूर्वपश्चिम लोकमार्गको सडक खण्डमा पर्ने हरिवनमा प्रहरीले आज शनिवार पक्राउ गरेको हो । 

करीब तीन बजे ट्रकमा चेकजाँच गर्दा गाँजा सहित ४ वयापारी र ट्रक चालक तथा सहचालकलाई पक्राउ गरिएको प्रहरीले जनाएको छ । बरामद गरिएको गाँजा अन्दाजी ४० क्विन्टल बराबरको रहेको ईलाका प्रहरी कार्यालयका प्रहरी निरिक्षक कृष्णप्रसाद शर्माले जानकारी दिनु भएको छ । पक्राउ पर्ने व्यापारीहरुमा मनहरी ३ का लालु वाईवा चितवन भण्डाराका वीरसिँह तामाङ मकवानपुरका राजकुमार मोक्तान र दीपक कार्की तथा मनहरीका टिकाराम तामाङ र नवीन लामा रहेका छन् ।