प्रधानमन्त्रीसहितको टोली सिन्धुलीको लडाकु शिविरमा

सिन्धुली दर्पण,मिसंर १४

प्रधानमन्त्री डा. बाबुराम भट्टराईको नेतृत्वमा राजनीतिक दलका नेताहरुको टोली आज सिन्धुलीको दुधौली स्थित दुई नम्वर डिभिजन  माओवादी लडाकुहरुको शिविर निरीक्षणका लागि निस्किएका छन् ।  । नेपाली सेनाको हेलीकप्टरबाट बिहान साढे ७ बजेपछि प्रधानमन्त्रीसहित एकीकृत नेकपा माओवादीका अध्यक्ष पुष्पकमल दाहाल प्रचण्ड र लडाकु रेखदेख पुनःस्थापना  तथा समायोजन विशेष समितिका सदस्यहरु शिविर निरक्षणका लागि आएका हुन् ।

टोलीले सिन्धुलीको दास्रो डिभिजनसहित पाँचौ सातौलगायतका डिभिजनहरुको निरक्षण गर्नेछ । शिविर निरीक्षणका क्रममा केही माओवादी लडाकुहरुमा देखिएको असन्तुष्टि स्वेच्छिक अवकास जानेहरुलाई दिने रकमलगायतका विषयमा प्रष्ट पार्ने प्रधानमन्त्रीको सचिवालयले जनाएको छ ।

प्रधानमन्त्री नेतृत्वको दलहरुको टोली कैलालीको दतालबन्द रोल्पाको दहवन चितवनको शक्तिखोर लगायतका शिविरमा जाने कार्यक्रम रहेको छ । अधिकांस शिविरमा माओवादी लडाकुको पुनर्वर्गीकरण सकिएको छ भने कैलाली र सुर्खेतमा पनि सकिने क्रममा रहेको छ ।