सिन्धुली द्धन्द्ध पीडितलाई ५ करोड राहत

१६ पुस /चीना थापा सिन्धुली

शसस्त्र द्धन्द्धका समयमा पीडित परिवारका लागि सिन्धुलीमा ५ करोड रुपैया राहत रकम वितरण गरिने भएको छ । शान्ति तथा पुन ः निर्माण मन्त्रालयको राहत तथा पुन ः स्थापना ईकाइबाट प्राप्त रकम वेपत्ताका आफन्त बेपत्ताकी पत्नी घाईते र सम्पतिका क्षति हुनेहरुलाई घट्नाको विरिण हेरी उक्त रकम वितरण गरिने भएको हो । हाल सम्म १४० जना मृतकका आफ्न्त ९ जना वेपत्ता ७ जना घाइते र ११ जनालाई सम्पतिको क्षेतिको आधारमा कुल ३ करोड ८ लाख ८६ हजार ४ सय ५८ रुपैया राहत रकम वितरण गरिसकेको लेखापाल राजनप्रसाद काफ्लेले जानकारी दिनुभयो ।

जिल्ला प्रशासन कार्यालयका अनुसार जिल्लामा द्धन्द्धका क्रममा २ सय २८ जना मृतक १५ जना वेपत्ता ७ जना घाइते र ११ जनाको सम्पति क्षति भएकाहरुको तथ्याङ्क रहेको छ । सरकारले द्धन्द्धका क्रममा मृत्यु भएका र वेपत्ता भएकाहरुको आफ्न्तलाई जनही तिन लाख रुपैयाको दरले राहत रकम उपलब्ध गराएको छ । सोही आधारमा यस अघि राहत रकम वुझ्ने र बुझ्न बाँकी रहेकाहरुका लागि अझै १ करोड ८९ लाख रुपैया वितरण गर्न बाँकी रहेको समेत लेखापाल काफ्लेले जानकारी दिनुभयो । मृतकका आफ्न्त मध्ये ८८ जना र ६ जना वेपत्ताका आफ्न्तलाई थप राहत रकम वितरण गर्न उक्त रकम अपुग भएकाले उनीहरुका लागि थप रकम उपलब्ध गराईदिन मन्त्रालयमा पत्राचार गरीएको र रकम प्राप्त भए लगतै राहत वितरण गरिने जिल्ला प्रशासन कार्यालयले जनाएको छ ।