सिन्धुलीमा सहकारि वैंक स्थापना हुने

ध्रुवचन्द्र खड्का, चिना थापा, 

सिन्धुली,फागुन २१

तस्विर:शिव काफ्ले 

राष्ट्रिय सहकारी बैंक लिमीटेड स्थापना सम्वन्धि एक दिने अन्तरक्रिया कार्यक्रममा वक्ताहरुले सहकारी वैक स्थापना विलम्व गर्न नहुने वताएका छन् । सिन्धुलीमा सहकारी वैँक स्थापना गर्न र सहकारी वैंकको उद्देश्य तथा महत्वको वारेमा छलफल गर्न आयोजना गरिएको एक अन्तरक्रिया कार्यक्रममा वोल्ने वक्ताहरुले सहकारीको विकास एकताबाट मात्रै संभव हुने र यसबाट राज्यको आर्थिक अवस्थामा पनि सुधार आउने वताएका छन् ।

 यसका साथै सहकारी सम्वद्ध व्यक्तिहरुले सिन्धुलीमा सहकारि वैंकको स्थापना गर्न कुनै ढिला गर्न नहुनेमा समेत जोड दिएका छन् । कार्यक्रममा वाल्दै प्रमुख अतिथि केवि उप्रेतीले यस वर्ष दश ओटा सहकारी बैंक खोल्ने लक्ष्य रहेको बताउनुभयो । उहाँले सवैभन्दा बढी सदस्य भएको र धेरै लगानी भएको राष्ट्रिय सहकारी बैंक मात्र भएको दावी गर्दै देशैभरि यसको शाखा विस्तार गर्नुपर्नेमा जोड दिनुभयो । 

अहिले सहकारी बैंकको शाखा र नेटवर्क बढीरहेकोले यसवाट सहकारीमा आवद्ध व्यक्तिहरुलाई मात्र नभई सरकारलाई पनि फाईदा हुने बताउँदै वहाँले सहकारी बैकको आवश्यकता अपरिहार्य भएकोे धारणा राख्नुभयो । अन्तरक्रियामा सहकारी बैंकका सवालमा सहभागिले उठाएका प्रश्नको राष्ट्रिय सहकारी बैंकका प्रवन्ध संचालक के.वि उप्रेतीले जवाफ दिनुभएको थियो ।