प्रयोग विहीन अवस्थामा शैया

मिनकुमार दाहाल,सिन्धुली,साउन ४ । 

वाशेश्वर गाँउ विकास समितीको उप–स्वास्थ्य चौकी निर्माण भएको पाँच वर्ष वितिसक्दा पनि विरामी भर्ना नहुँदा उप–स्वास्थ्य चौकीमा रहेका शैयाहरु प्रयोग विहीन अवस्थामा रहेका छन् ।  भारतीय राजदुतावासको आर्थिक सहयोगमा पाँच वर्ष अगाडी निर्माण गरिएको उप–स्वास्थ्य चौकी हैवार वेसीमा तिन शैया छन् । 

उप–स्वास्थ्य चौकी हैवार वेसीमा कार्यरत कर्मचारी पदमराज श्रेष्ठले भवन निर्माणसँगै भारतीय राजदुतावासले विरामी भर्ना भएर उपचार गर्न सहयोग पुग्यो भन्ने उदेश्यले उप–स्वास्थ्य चौकीलाई शैया पनि उपलव्ध गराएको वताए । उप–स्वास्थ्य चौकी निर्माण भएको पाँच वर्ष वितिसक्दा पनि यहाँ एक जना विरामी पनि भर्ना भएको रेकर्ड छैनन् श्रेष्ठले भन्नुभयो  । शैया प्रयोग विहीन अवस्थामा छन् । राख्दा राख्दै शैया फोहोर मैला भैसक्यो विरामी भर्ना हुन नआएको उहाँको भनाइ छ ।

सामान्य विरामी भए पनि यहाँका मान्छे एम्वुलेन्स वोलाएर उपचार गर्न सिन्धुली,काठमाडौं,जनकपुर ल्यैजान्छन तर घर नजिकै रहेको उप–स्वास्थ्य चौकीमा भर्ना भएर उपचार गर्न ल्याउँदैनन् उप–स्वास्स्थ्य चौकीका कर्मचारी श्रेष्ठले वताउनुभयो । उप–स्वास्थ्य चौकीमा ल्याव,शैया,डिफ्रिज देखी लिएर प्राय सवै सामानहरु छन तर पनि गाँउ मै भएको उप–स्वास्थ्य केन्द्रमा उपेक्षित छ । यहाँ मान्छेहरु उपचार गराउन यहाँ नआउने गरेको अहेव दिपक खड्काले वताउनुभयो ।

 सामान्या विरामी थोरै संख्यामा आउ छन् अहेव खड्काले भन्नुभयो ।  हैवास वेसीका स्थानिय वासिन्दा तिलकवहादुर श्रेष्ठले उप–स्वास्थ्य चौकीमा साधन श्रोतको अभावको कारण विरामीहरु एम्वुलेन्स को महँगो भाडा तिरेर उपचार गर्न अन्यत्रै लैजान स्थानीय वासिन्दा वाध्य भएको वताउनुभयो ।