टुटेश्वरमा साउने मेला शुरु

सन्तोष  पोखरेल,बर्दिवास,असार ३१ । 

महोत्तरीको माईस्थान गाविसमा रहेको टुटेश्वर महादेव मन्दिरमा बोलबम मेला शुरु भएको छ । एक महिना सम्म चल्ने उक्त मेलाको तयारी पुरा भएको र यस पालाको मोल गत वर्ष भन्दा व्यवस्थित गरिएको मन्दिर व्यवस्थापन समितिले जानकारी दिएको छ । श्रावण भर चहल पहल हुने यो मन्दिरमा विषेशगरी सोमबार–सोमवार धेरै झक्तजनहरुको भिड लाग्ने गर्दछ । नेपाल तथा भारतको विभिन्न स्थानबाट आफ्नो मनोकांक्षा पुरा हुने भन्दै ठूलो संखायमा भक्तजन यहाँ आउने गर्दछन् ।

 सिन्धुलीको कमला खोलाबाट जल उठाई टुटेश्वर महादेवलाई चढाउनाले मनोकांक्षा पुरा हुने विश्वासका साथ भक्तजनहरु भोकै र खाली खुट्टा कमालाबाट जल ल्याई टुटेश्वर महादेवलाई चढाउने गर्दछन् । मन्दिरमा वर पर मेलाका लागि सरकर,विभिन्न खेल,तथा ठूलो संख्यामा होटलहरु चलाईएका छन् । मन्दिर वरपर भजन कृतन र बोलबम मन्त्रले गुञ्जयमान बनाईएको छ । यो महिना श्रावणका ५ ओटै सोमवार मन्दिरमा विशेष मेला लाग्ने समितिले बताएको छ ।