पहिचान खोज्दै हिँड्न मुर्खताः नेता ओली

झापा, असोज २१ । एमाले नेता केपी ओलीले एकता र सहकार्य देख्न नचाहने तत्वले पार्टीभित्रका केही मान्छेलाई उक्साएको बताएका छन् । गृह जिल्ला झापामा आज सञ्चारकर्मीसँग कुरागर्दै उहाले भन्नुभयो , ‘एमालेमा पार्टी एकता देख्न नचाहने तत्वले केही नेतालाई उक्साएका छन् ।’ आफ्ना नेता उक्साउन तत्वका बारेमा भने ओलीले केही बताउनुभएन ।

उहाँले एमालेका कारण पहिचान बनाएका नेताहरुले पहिचान खोज्दै हिँड्नु मुर्खता भएको टिप्पणी गर्नुभयो  । जनजाति नेताहरुले समूहिक रुपमा एमाले परित्याग गरे लगत्तै नेता ओलीको यस्तो टिप्णी आएको हो ।

उहाँले दशैं पछि भट्टराई सरकार ढल्ने दाबी गर्नुभयो । ‘यदि कसैले तानाशाही लाद्न खोज्छ भने त्यस्तालाई फाल्न एमाले सक्षम छ,’ नेता ओलीले भन्नुभयो  ।