उनन्चास विमानस्थलमा हवाई सेवा उपलब्ध गराउन सकिने

काठमाडौ १८ पौष

सरकारले देशभित्र रहेका विमानस्थलहरुमध्ये ४८ वटामा हवाई सेवा सञ्चालन गर्न सकिने जनाएको छ ।नेपाल नागरिक उड्डयन प्राधिकरणले मुलुकभित्र ५४ वटा विमानस्थल रहेपनि भौतिक पुर्वाधारका कारण ४८ वटामामत्रै हवाई सेवा सञ्चालन गर्न सकिने बताएको हो ।प्राधिकरणका अनुसार हाल मुलुकका ३३ विमानस्थलमा नियमित उडान भइरहेको छ । चालु अवस्थामा नरहेका थप १६ वटा विमानस्थललाई सामान्य मर्मत गर्ने हो भने सेवा उपलब्ध गराउन सकिने प्राधिकरणको भनाइ छ । 

पूर्वाञ्चल विकास क्षेत्रमा १४, मध्यमाञ्चलमा आठ, पश्चिमाञ्चलमा सात, मध्यपश्चिमाञ्चलमा १० र सुदूरपश्चिमाञ्चलमा नौ गरी ३३ वटा विमानस्थल रहेका छन् । निर्माणका क्रममा अहिले ५ वटा विमानस्थल रहेका छन् । निर्माणधिन विमानस्थलमा कालीकोट, ओखलढुङ्गाको खिजी चण्डेश्वरी, डोल्पाको मसिनेचौर, लमजुङको शीतलेस्वाँरा र गुल्मीको सिमीचौर छन् । यसैगरी नयाँ प्रस्तावित विमानस्थलमध्ये इलामको सुकीलुम्बा निर्माणका लागि संस्कृति, पर्यटन तथा नागरिक उड्डयन मन्त्रालयबाट स्वीकृति प्राप्त भएको प्राधिकरणका महानिर्देशक त्रिरत्न मानन्धरले जानकारी दिनुभयो । यस्तै एसियाली विकास बैंकको ऋण तथा अनुदान सहयोगमा त्रिभुवन अन्तर्राष्ट्रिय विमानस्थलका गुरुयोजनाअनुरूप कामसमेत अगाडि बढाइएको छ ।