तेह्र भन्दा बढि तालिवानी लडाकु पक्राउ

एजेन्सी ,  १७ पुस 

अफगानिस्तानमा तालिवानी विरुद्ध गरिएको कारबाहीका क्रममा आज १३ भन्दा बढी तालिवानी लडाकू पक्राउ परेका छन् । 

अफगानिस्तानको राष्ट्रिय सेना र नेटोसँग आबद्ध सेनाले आज बिहानसम्म गरेको कारबाहीका क्रममा तालिवानी सशस्त्र लडाकू पक्राउ परेको  अन्तराष्ट्रिय संचारमाध्यमले जनाएका छन् । 

अफगान राष्ट्रिय प्रहरी, सैनिक र नेटोसँग आवद्ध सैनिकले अफगानिस्तानको राजधानी काबुलदेखि १५० किलोमिटर टाढा खोस्त प्रान्तमा जारी राखेको कारबाहीमा लडाकूहरु पक्राउ परेको  बताइएको छ ।

कारबीका क्रममा केही हतियार पनि पक्राउ परेको बताईएको छ । अफगानिस्तानमा अफगान र नेटोसँग आवद्ध सेनाले तालिवानी लडाकूविरुद्ध विभिन्न स्थानमा कारबाही जारी राखेका छन् । कारबाहीका क्रममा दिनहुँ त्यहाँका नागरिक समेत हताहति हुने गरेका छन् । अफगानिस्तानबाट नेटो सैनिक फिर्ता हुने समय नजिकिंँदै गर्दा तालिवानीविरुद्धको कारबाहीलाई थप तीव्र पारिएको जनाइएको छ ।