प्रधानन्यायाधीश खिलराज रेग्मी प्रधानमन्त्री बन्न तयार

काठमाण्डौ,फागुन १४ ।
प्रधानन्यायाधीश खिलराज रेग्मी प्रधानमन्त्री बन्न तयार हुनुभएको छ । बिहान प्रधानमन्त्री निवास वालुवाटारमा प्रमुख चारशक्तिका नेताहरुबीच भएको छलफलमा प्रधानन्यायाधीश खिलराज रेग्मीले संवैधानिक अड्चन हटाए आफू संविधानसभाको चुनावी सरकारको नेतृत्व लिन तयार रहेको बताउनु भएको छ । 

बैठकपछि फोरम लोकतान्त्रिकका अध्यक्ष तथा उपप्रधानमन्त्री विजयकुमार गच्छदारले  प्रधानन्यायाधीश रेग्मी प्रधानमन्त्री हुन तयार रहेको जानकारी दिनुभयो । प्रधानन्यायाधीश रेग्मीले राखेका केही अप्ठ्याराका विषयमा आजै थप छलफल गरेर निस्कर्षमा पुग्ने नेताहरुले बताएका छन् । यसअघि सरकारको नेतृत्व लिन अनिच्छुक देखिएका प्रधानन्यायाधीश रेग्मी दलहरुले उहाँले भनेअनुसार ९ बुँदे सहमतिलाई संसोधन गर्न तयार भएपछि राजी हुनुभएको हो ।