काट्दै गरेको रुखले किचेर एकको मृत्यु

हरिवन,फागुन १४ ।
सर्लाहीको भक्तिपुरस्थित सागरनाथ जंगलमा काट्दै गरेको रुखले किचेर आज एक जनाको ज्यान गएको छ । प्रहरीका अनुसार आज बिहान ९ बजेतिर काट्दै गरेको रुखले लागेर भक्तिपुर वडा नम्बर ३ निवासी अन्दाजी ४५ वर्षिय पञ्चलाल सिङ्तानको मृत्यु भएको हो । बाटो हिंडिरहेका बेला सिङ्तानलाई रुखले लागेको प्रहरीले जनाएको छ । रुख कसले काटेको भन्ने बारेमा भने खुलिसकेको छैन ।