विधार्थीभन्दा शिक्षक वढी,अवसर मिलाईदियो जिशिका सिन्धुलीले

सिन्धुली दर्पण/पुस ३० -

सिन्धुलीका प्राथमिक विद्यालयका शिक्षकहरु घाम तापेर वस्न वाध्य  भएका छन् । विद्यालयमा विद्यार्थीहरु पढन आउन छोडेपछी उनीहरु दिउस भर विद्यालयको चौडीमा घाम तापेर दिन विताउने गरेका छन् । नेपालको श्ािक्षा नियमावलीमा ४० जना विद्यार्थी वरावर १ जना शिक्षक को व्यवस्था गर्ने भनिएको भए पनि सिन्धुलीमा भने यसको विपरित भएको छ ।

सिन्धुलीको कमलामाई नगरपालिका ७ मा रहेको श्री वर्देउठाकुर प्राथमिक विद्यालयमा १० जना विद्यार्थी नियमित पढन आउने गर्छनशिक्षक भने ४ जना रहेका छन । सिन्धुलीमा यस्ता थुप्रै प्राविहरु रहेका छन । विद्यालयमा नाम लेखाउने विद्यार्थीहरु थुप्रै भएपनि पढन नआउने अलि हुनेखानेका छोराछोरी निजी विद्यालयमा पढन जाने गरेकोले यस्तो समस्या आएको र जागिर खानको लागि भए पनि दिनभर वस्न वाध्य भएको वर्देउठाकुर प्राविकी प्रधानाध्यापक लक्ष्मी खत्री बताउनुहुन्छ  ।

उता विद्यालय व्यवस्थापन समितिका अध्यक्ष सुरेन्द्रस्वर मोत्तान भने कति शिक्षक राख्ने यो शिक्षा कार्यालयको हातमा भर पर्छ । हामिलाई काम गर्न दिनु पर्यो भनेर रुदै आउछन । राजनितिक दवावले गर्दा हाजिर गर्न दिनै पर्यो । शिक्षा कार्यालयले लान्छ अनि केहि दिनमा फेरी फिर्ता आउने समस्या वारम्वार दोहोरिन्छ । गरिव ज्यामिका छोराछोरी पढ्ने गरेकाले उनीहरु स्थायी रुपमा वसोवास नगर्नु पनि यसको प्रमुख कारण भएको वताउनुहुन्छ । 

यो सिन्धुलीको मात्रै समस्या नभइ देशकै समस्या भएकाले यसको लागि शिक्षा मन्त्रालयवाटै विद्यार्थीहरुको संख्या संकलन गर्ने काम भइरहेको  जिल्लाशिक्षा  कार्यालय सिन्धुलीकॊ तर्फवाटपनि यसको अनुगमन सूरु भइसकेको अन्य केहि विद्यालयमा पनि यस्तो समस्या भेटिएकोले हालै शिक्षा मन्त्रालयले यसको समाधानको लागि यस्ता विद्यालयलाई अन्य विद्यालयमा गाभ्ने निति लिएको जिशिका सिन्धुली प्रमुख मनकाजी श्रेष्ठ वताउनु हुन्छ । जिल्लामा रहेका अधिकाङश प्राविहरुमा यस्तो समस्या छ ।  राजनीतिक दलले शिक्षक नियुक्ति गर्ने वेलामा हस्तक्षेप गरेकाले पनि यस्तो समस्या आएको हुदा शिक्षा कार्यालयले केहि गर्न नसकेको उहाँले वताऊनभयो ।