टेष्ट परीक्षाबाट १ सय ६७ विद्यार्थी निष्कासित

सुनिल ठाकुर/सर्लाही/माघ १६ -

नक्कली प्रमाण पत्र पेश गर्ने १ सय ६७ परीक्षार्थीलाई टेस्ट परीक्षाबाट निष्काशित गरिएको छ । एसएलसीको परीक्षा दिनु अगाडिको टेस्ट परीक्षा दिनका लागि जिल्ला शिक्षा कार्यालयबाट फारम भरी प्राइभेटरुपमा परीक्षा दिने बिद्यार्थीहरुले कक्षा ८ उतिर्ण गरेको नक्कली प्रमाणपत्र पेश गरेको र केहिले प्रमाणपत्र नै पेश नगरेको पाइएपछि त्यस्ता बिद्यार्थीहरुलाई परीक्षा दिनबाट रोक लगाएको हो ।

 नियमित बिद्यालय जान नसकेका बिधार्थीहरुले आठ कक्षा उतिर्ण गरेको प्रमाणपत्र पेश गरेपछि जिल्ला शिक्षा कार्यालयबाट फारम भरी प्राइभेट एसएलसी दिन पाउनृ व्यवस्था रहेको छ । यसरी जिल्ला शिक्षा कार्यालयबाट भरी प्राइभेट एसएलसी दिनका लागि २ सय ७४ बिद्यार्थीहरु शिक्षा कार्यालयमा फारम दर्ता गराएका थिए ।