सिमा सुरक्षा निर्माणको बिरोधमा चक्का जाम

सिन्धुली दर्पण/माघ १२ -

सर्लाहीको सलेमपुर र कबिलासिको बिचमा बनाउन लगेको सिमा सुरक्षा कार्यालयको बिरोधमा आज वुधवार स्थानियबासीले आज चक्का जाम गरेको छ ।  सलेमपुर र कबिलासि गाबिसको बिचमा रहेको नदी छेउको जमिन स्थानिय बासीले भोग चलन गर्दै आएको र सिमा सुरक्षा कार्यालय बिना कुनै जानकारीको बनाएको भन्दै स्थानिय बासी संयूक्त संघर्ष समिति बनाई आन्दोलनमा उत्रेका छन् । 

आन्दोलनका पूर्व घोषित कार्यक्रम अनुरुप वुधवार र विहिवार  चक्का जाम  १५ गते सदरमुकाम मलंगवामा जुलुस प्रदर्शन तथा जिल्ला प्रशासन कार्यालय घेराउ १६ गते  सदरमुकाम मलंगवामा मसाल जुलुश प्रदर्शन र १७ गते जिल्ला व्यापी अन्ािश्चितकालिन आम हडताल गर्ने कार्यक्रम तय गरेको छ । चक्का जामका कारण सदरमुकाम मलंगवाबाट कुनै सवारी साधन चल्न नसकेका कारण यात्रुहरु मर्कामा परेका छन् ।