महोत्तरीमा यात्रु बस दुर्घटना १७ घाइते

सुरेश बिडारी/महोत्तरी/चैत २९

पूर्वपश्चिम राजमार्ग अन्तर्गत महोत्तरीको माईस्थान ३ गोशालाचोकमा बिहान पौने ५ बजे बस पल्टिँदा १७ जना यात्रु घाइते भएका छन् । काठमाण्डुबाट काकाटभिट्टा जाँदै गरेको ना ४ ख ४८२४ नम्बरको बस सडकबाट पल्टिंदा यात्रुहरु घाइते भएको हो ।

घाइतेमध्ये चार जनाको अवस्था गम्भीर रहेको छ । दुर्घटनामा परी गम्भिर घाइते काठमाण्डु बौद्ध-६ बस्ने बबिता लामालगायत अन्य घाइते १९ जनाको बर्दिबासमा रहेको होप बर्दिबास अस्पतालमा उपचार भैरहेको छ । बस तीब्र गतिका कारण अनियन्त्रित भई दुर्घटना भएको हुन सक्ने ट्राफिक प्रहरीले अनुमान गरेको छ । दुर्घटनापछि चालक फरार रहेकाले चालकको खोजी भैरहेको जिल्ला ट्राफिक प्रहरी कार्यालय महोत्तरी जनाएको छ ।