हरिहरपुरगढी महोत्सव सम्पन्न

सिन्धुली दर्पण/चैत्र २२

सिन्धुलीका ऐतिहासिक स्थलहरुमध्यको एक हरिहरपुर गढी महोत्सव यहि चैत २० गते आइतबार सम्पन्न भएको छ । सिन्धुलीको सदरमुकामबाट गाढीमा ५ घण्टा कच्चीबाटो र २ घण्टा उकालो पैदल यात्रा पछि पुगिने हरिहरपुरगढीमा महोत्सवका लागि सिन्धुली सदरमुकामबाट प्रमुख जिल्ला  अधिकारी जितेन्द्रबहादुर भण्डारीको नेतृत्वमाजिल्ला विकास समिति सिन्धुलीका स्थानीय विकास अधिकारीप्रहरी नायव उपरिक्षक पुरानो गोरखगण सिन्धुलीका गणपति पत्रकारहरु विभिन्न दलका प्रमुख एवं प्रतिनिधिहरु विभिन्न कार्यालयका प्रमुख एवं प्रतिनिधिहरु गाविस सचिवहरु लगाएत करिव ६० जनाको टोली र सयौँको संख्यामा स्थानीयवासीहरु महोत्सवस्थलमा उपस्थित थिए ।

महोत्वस उद्घाटनमा बोल्दै विभिन्न दलका नेता एवं प्रतिनिधिहरुले ऐतिहासीक महत्व र पर्यटनको प्रचुर सम्भावना बोकेको जिर्ण गढीको उद्धार तथा त्यस क्षेत्रलाई पर्यटकीयस्थल बनाउन आफ्नो क्षेत्रबाट भरमगदुर प्रयास गर्ने प्रतिवद्धता जनाए । हरिहरपुर गढीको इतिहासलाई हेर्दा सिम्रौनगढका तात्कालिन राजा हरिहरिसं देवलाई मुसलमानी सेनाले राज्यच्यूत गरेपछि भागेर सिन्धुली  आइ विक्रम संवत १३८१ मा गढीदरबारको निर्माण गरिबसेको र सो गढीको नाम उनैराजाको नामले हरिहरपुरगढी रहन गएको त्यस्तै गोरखाली सेनाको बिरुद्ध र मकवानपुर राज्यको सहयोगार्थ आएको मिरखािसंका २००० सेनालाई पनि गोरखाली सेनाले यसै गढीमा पराजित गरेका जस्ता विभिन्न ऐतिहासिक तथ्यहरु विभिन्न ऐतिहासिक दस्तावेजहरुमा उल्लेख गरिएको जिल्ला विकास समितिका कार्यक्रम अधिकृत शागर कुमार ढकालले बताउनु भयो । हरिहरपुर गढी ऐतिहासिक त छँदैछ त्यो गढी दरबारको चामत्कारीक निर्माण र त्यहाँबाट हेर्न लायकका प्रकृतिक दृष्यहरु जो कोहीको पनि मन लोभ्याउने छन् ।