वस दुर्घटनावाट मृत्यु हुनेको सख्या ३ पुग्यो

सिन्धुली दर्पण/वैशाख १६

विपि राजमार्ग अन्तर्गत सिन्धुलीको भद्रकाली गाविसको पिपलभन्ज्याङ र ढुंग्रेभाज्याङको बीचमा हिजो बस दुर्घटनावाट हिजो र आज गरी ३ जनाको मृत्यु भएको छ । मृत्यु हुनेमा सिन्धली रतनचुराका गणेस बहादुर श्रेष्ठ  रहेका छन् । यसअघि  रामेछाप घर भएका ६५ वर्षिया सोम वहादुर कार्की र सर्लाहिका ढुण्डिराल भुर्तेलको मृत्यु भैसकेको थियो । 

 हालसम्म मृत्यू हुनेको संख्या ३ पुगेको छ । गाडि दुर्घटना बाट अन्य  ३९ जना घाइते रहेका छन । सिन्धुलीको खुर्कोटबाट सदरमुकाम माढीतर्फ आउँदै गरेको ना २ ख ५८५७ नम्बरको बस  हिजो विहान ११ बजेतिर दुर्घटना भएको थियो ।

 उद्धारमा खटेका स्थानीयबासीका अनुसार बढी लोडका कारण मोड कटाउन नसकेपछि दुर्घटना भएको हो । गम्भिर घाइते भएका २८ जनालाई थप उपचारका लागि काठमाण्डौ र महोत्तरीको बर्दिबास रिफर गरिएको छ । केहि घाइतेहरुको भने  जिल्ला अस्पताल सिन्धुलीमा भइरहेको छ ।