वसले ओभरटेक गर्न खोज्दा दुर्घटना भयो:प्रतक्ष्यदर्शी

photo:parmila buddhathoki

सिन्धुली दर्पण/वैशाख २१

सिन्धुलीको खुर्कोटवाट बनेपा तर्फ जादै गरेको बा २ ख ३३७५ नम्वरको यात्रुवाहक बस सिन्धुलीको पुरानो झाँगाझोली गाविसको रिठ्ठेभिरमा दुर्घटना  हुँदा ३० भन्दा बढीको मृत्यु भएको प्रहरीले आशंका गरेको छ ।

स्थानियवासी मनोज श्रेष्ठका अनुसार दुर्घटना भएको वसले आफु भन्दा अगाडी रहेको अर्को वसलाई उछिन्न खोज्दा  ठाउ नपुगेर भिरवाट झरेको वताएका छन् ।  

१२ जना मृतकको लास घटना स्थालवाट निकाली सकिएको छ भने १५ जना घाइतेको उद्धार गरी काठमाडौ र धुलिखेल अस्पतालमा पठाइएको इलाका प्रहरी कार्यालय खुर्कोट सिन्धुलीले बताएको छ । मृत्यकहरु मध्ये अहिले सम्म ९ जनाको मात्र पहिचान खुलेको जिल्ला प्रहरी कार्यालय सिन्धुलीले बताएको छ । पहिचान खुल्नेहरुमा  श्री जंग गण रामेछापमा कार्यरत धादिङ्गका शिव कार्की भिरपानि ७ रामेछापका आइती माझी बसका सहचालक पुरानो झागाझोली ६ नागेडाँडाका श्याम बसेल भिमेश्वर ४ खुर्कोट सिन्धुलीका ओदित विक सिन्धुली वितिजोरकी शारदा विकसुकाजोर रामेछापका शम्भु श्रेष्ठखनियापानी रामेछापका वर्ष ४० का आङदोर्जे योन्जनलाई पोष्टमार्टका लागी सिन्धुली अस्पताल ल्याईएको छ भने रामेछापकी समिक्षा श्रेष्ठर सुकाजोर रामेछापकी रेणुका हायूको उपचारको क्रममा धुलिखेलमा मृत्यु भएको थियो । विपी राजमार्गको ट्रयाक खोलिएको र निर्माणाधिन सडक अप्ठयारो  र केहि समयदेखि सिन्धुलीमा परेको पानिका कारण वाटो चिप्लो भएर दुर्घटना भएको प्रहरीले आशंका गरेको छ ।  बस सडकबाट करिब २५ मिटर तल बस झरी भिरमा अड्केको प्रहरीले जनाएको छ ।

भिरमा गाडी अडकिएकोले उद्धारको लागी कठिनाइ भएको जिल्ला प्रहरी कार्यालय सिन्धुलीका असई प्रमोद गुप्ताले जानकारी दिनुभएको छ ।  खुर्कोटवाट  विहान १० बजे छुटेको वस करिव ११ वजे दुर्घटना भएको स्थानियवासीले वताएको छन । स्थानियवासी मनोज श्रेष्ठका अनुसार दुर्घटना भएको वसले आफु भन्दा अगाडी रहेको अर्को वसलाई उछिन्न खोज्दा  ठाउ नपुगेर भिरवाट झरेको वताए  । गाडी खोल्सामा परेको र मुनि कोशी भएकाले अहिले सम्म दुर्घटना भएको वस सम्म पुग्न नसकिएकोले वस भित्र कति यात्रु थिए र कतिको मृत्यु भयो भन्ने खुल्न नसकेको उनले वताए ।

उद्धारको लागी सडक निर्माणको काम गरी रहेको जापनिज कम्पनि हाजमा र स्थानियवासीले गरी गरेको भएपनि नेपाल प्रहरी को टोली दिउसो १ वजे पुगेको थियो भने सशस्त्र प्रहरी र नेपाली सेनाको उद्धार टोली साझ ५ वजे मात्र घट्ना स्थ्ालमा पुगेको जिल्ला प्रहरी कार्यालय सिन्धुलीले जनाएको छ ।

photo:parmila buddhathoki

जिल्ला प्रहरी कार्यालय सिन्धुलीका प्रहरी नायव उपरिक्षक जनक भट्टराईका अनुसार दुर्घटना भएको वस भएको ठाउमा उद्धार टोली पुग्न नसकेको वताए । वस भित्र केहि मानिसहरुको लुगा कपडा देखिएको भएपनि त्यहा पुग्न नसकिएको पनि उनले वताए । अहिले नेपाली सेनाको उद्धार टोलीले शवहरु निकाल्ने प्रयास गरि रहेको पनि उनले वताए  अहिले रातको समय भएकाले उद्धार गर्न कठिनाइ भएकोले घट्नाको विस्तृत जानकारी आउने भट्ट्राईले वताउनुभयो ।

वाटो अप्ठयारो  सागुरो र वढि मोडभएपनि पुराना वसहरु र चालकको लापरवाहिका कारण दुर्घटना भएको जिल्ला प्रशासन कार्यालय सिन्धुलीले जनाएको छ । यहि वैशाख १५ गते विपि राजमार्गको पिपलभर् याङमा सिन्धुलीको खुर्कोटबाट सदरमुकाम माढीतर्फ आउँदै गरेको ना २ ख ५८५७ नम्बरको बस विहान ११ बजेतिर दुर्घटना भएको थियो । वस दुर्घटनामा ३ जनाको मृत्यु भएको थियो भने ४१ जना घाइते भएका थिए ।