वैँश लागेर हो कि ?

रक्सी पिए झैँ मातेकी छौ वैँश लागेर हो कि ?

     -केदार श्रेष्ठ'गगन'

भीमस्थान-५ सिन्धुली

       हाल-यू.ए.ई.

चन्चल छन् आँखा कतै भित्री भोक जागेर हो कि ?

आफ्नो रुप आफैँ हेरी आफैँसँग लजाउँछौ

लुकीलुकी हेरी सधैँ आँखा तिमी जुधाउँछौ

सिङ्गार पटार साह्रै गर्छौ वैँश लागेर हो कि ? 

चन्चल छन् आँखा कतै भित्री भोक जागेर हो कि ?

कोही चाहे झैँ केही खोजे झैँ लाग्छ तिम्रो आँखा 

बुझेर नि नबुझिने खै कस्तो अनौठो भाका

साह्रै सुन्दर देखिन्छौ अचेल वैँश लागेर हो कि ?

चन्चल छन् आँखा कतै भित्री भोक जागेर हो कि ?