सुवास नेम्वाङका कारण संविधान नबनेको हो:माओवादी सचिव गजुरेल

काठमाण्डौ /असार १२ 

एकीकृत नेकपा माओवादीका सचिव सीपी गजुरेलले समयमा संविधान निर्माण हुन नसक्नुको प्रमुख कारण संविधान सभाका अध्यक्ष सुवास नेम्वाङ भएको आरोप लगाउनुभएको छ । रिपोर्टस्र क्लब नेपालले आज राजधानीमा गरेको साक्षात्कारमा सचिव गजुरेलले विषयगत समितिले प्रतिवेदन तयार पारेपछि १३ महिना सम्म छलफलका लागि नपठाएर रोकेर राखेकोले संविधान नबनेको बताउनुभयो ।

उहांले नेम्वाङले सहमति नभएको भन्दै १३ महिना प्रतिवेदन अडकाएर राख्दा प्रकि्रया अगाडि बढन नसकेर संविधान निर्माण नभएकोले त्यसको सम्पूर्ण जिम्मेवारी नेम्वाङले लिनु पर्ने तर्क गर्नुभएको छ । नेम्वाङको गल्तीको सजाय सभासदको किरिया गर्ने जस्तो अपमानजनक ब्यवहार सहेर तिरेको भन्दै माओवादी सचिव गजुरेलले दल र सभासदहरुलाई संविधान नबन्नुको दोषि भन्न नमिल्ने बताउनुभयो । त्यसै गरेर सचिव गजुरेलले मन्त्री परिषदलाई समावेसी नबनाईए पार्टीमा संसदीय दलको नेता परिवर्तन हुन सक्ने बताउनुभएको छ । पार्टीको अध्यक्ष र संसदीय दलको नेता एउटै ब्यक्ति हुनु पर्छ कुनै नियम नभएको उल्लेख गर्दै गजुरेलले परिस्थिति आए अध्यक्ष बाहेकका नेताहरु पनि संसदीय दलको नेता हुन सक्ने बताउनुभएको छ ।