सिन्धुलीमा कालो वजारी गर्ने व्यापारी प्रहरी नियन्त्रणमा

सिन्धुली दर्पण,साउन ४

 बजारको दर भाउ भन्दा बढी मूल्यमा पेट्रोलियम पदार्थ बेचेको भन्दै प्रहरीले आज सिन्धुलीमाढीका एक व्यापारी लाई पक्राउ गरेको छ । विना इजाजत विक्री वितरण तथा नाफाखोरी गरिको भन्दै कमलामाई ६ स्टलबजारका श्याम ट्रेडस्र तथा श्याम आइरन पसलका प्रोपाइटर श्यामप्रसाद साहलाई आज दिउँसो प्रहरीले पक्राउ गरेको हो ।

 बजारमा पेट्रोलको मूल्य १ सय २ रुपैयाँ भए पनि उनले १ सय १० देखि १ सय २० रुपैयाँमा पेट्रोल बेचेकोले पक्राउ गरिएको प्रहरीले बताएको छ । पक्राउ परेका साहलाई सामाजिक अपराध तथा सजाय ऐन २०३२ अनुसार कार्वाही गरिने जिल्ला प्रहरी कार्यालय सिन्धुलीका डिएसपी लोकेन्द्र श्रेष्ठले बताउनु भयो । प्रहरीले साहको पसलबाट ३ ड्रम मट्टीतेल २ ड्रम पेट्रोल १ ड्रम मोविल लगायतका सामाग्री समेत बरामद गरेको छ ।