अखिल क्रान्तिकारीद्धारा प्रसासन कार्यालय सिन्धुलीमा धर्ना

उमा पौडेल, सिन्धुली ,पुस १७

आफ्ना बिभिन्न मागहरु राख्दै अखिल क्रान्तिकारी बिद्यार्थीहरुले आज जिल्ला प्रसासन कार्यालय सिन्धुली अगाडी १ घण्टा धर्ना दिएका थिए । पेट्रोलियम पदार्थमा बिद्यार्थीलाई ५० प्रतिशत छुटको ब्यवस्था गरीनुपर्ने  पेट्रोलियम पदार्थमा जनताको उपभोग्य प्रयोजनका लागि दोहोरो मुल्य कायम गरिनुपर्ने  यातायातको साधनमा बिद्यार्थीलाई ४५ प्रतिशत भाडा छुट गर्नुपर्ने नियमलाई अनिवार्य कार्यान्वयन लगायतका माग राख्दै उनिहरुले धर्ना दिएका हुन् ।

धर्ना कार्यक्रमको अखिल क्रान्तिकारीका सचिब चिरन्जिबि दाहालले सम्बोधन गर्नुभएको थियो । आज दिउसो १२ बजेदेखि १ सम्म भएको धर्ना कार्यक्रममा अखिल क्रान्तिकारीमा सम्बद्ध बिद्यार्थीहरुको सहभागिता रहेको अखिल क्रान्तिकारी कोषाध्यक्ष किरण श्रेष्ठले जानकारी दिनुभयो ।