गुगलको नयाँ प्राइभेसी पोलिसी

फागुन १८ 


ईन्टरनेट सेवा प्रदायक कम्पनी गुगलले गोपनियता सम्बन्धि नयाँ नीति लागू गरेको छ । नयाँ नीति अनुसार गुगलको कुनै पनि सेवामा साईन ईन या रजिष्टर गर्दा दिईने जानकारी यु ट्युब, जीमेल, ब्लग लगायत अरु गुगल अन्तर्गतका सेवालाई पनि प्रदान गरिनेछ । 

यस्तो व्यवस्थाले खोजी प्रक्रियामा सजिलो हुने गुगलको दावी छ । अलग अलग सेवाका ६० वटा निर्देशिकालाई एकै ठाउँमा गाभेर संयुक्त नीति बनाइएको गुगलले आफ्नो आधिकारिक ब्लगमा जनाएको छ । नयाँ गोपनीयता नीति उपयोगकर्ताले गुगलको सेवा प्रयोग गरुन्जेल अनुसरण गर्नुपर्नेछ । 

नयाँ नीतिले युरोपेली कानूनको उल्लंघन हुन सक्ने भन्दै युरोपेली युनियनले नयाँ नीति लागू नगर्न गुगललाई चेतावनी दिएको थियो । यस्तै गुगलको नयाँ नीतिको वैधानिकताप्रति प्रश्न उठाउँदै अनलाईन सेवाको नियन्त्रक फ्रान्सेली संस्थाले युरोप भर जाँचको आदेश दिएको बिबिसीले उल्लेख गरेको छ ।