इरान सामु नेपालद्वारा २ सय ४७ रनको विजयी लक्ष्य प्रस्तुत

काठमाण्डौ, वैशाख २६ । 

एसीसी १६ वर्षमुनिको एलिट कप क्रिकेट प्रतियोगिता अन्तर्गत  नेपालले इरान सामु २ सय ४७ रनको चुनौति प्रस्तुत गरकोे छ । मलेसियाको बमेयुस मैदानमा जारी खेलमा टस जितेर ब्याटिङ गरेको नेपालले निर्धारित ४० ओभरको खेलमा २ सय ४६ रन बनाएको छ । नेपालका लागि अदिल खानले अर्धसतक सहित ७१ रन जोड्न सफल भए । त्यस्तै आसिफ सेकले ३७ तथा जगदिश चन्दले ५१ रनको योगदान दिए । इरानले केही समय पछि जवाफी ब्याटिङ थालनेछ ।