प्रहरीको गोली लागेर महिला घाईते

झापा,जेठ १७ ।  झापाको काँकडभिट्टामा प्रहरीले अन्धधुन्ध गोली प्रहार गर्दा एक महिला घाइते भएपछि विरोधमा कारबाहीको माग गर्दै आज स्थानीयले सडक अवरुद्ध पारेका छन । प्रहरी जवान मनोज चौधरीले चलाएको गोली लागेर मेचीनगर–१० की ३५ वर्षीया सरिता लिम्वु गम्भीर घाइते भएपछि स्थानीय विरोधमा उत्रिएका हुन ।

गएराति क्षेत्रीय अनुसन्धान व्युरोका प्रहरी जवान चौधरीले अन्धधुन्ध गोली चलाएको स्थानीयको आरोप छ । 

इलाका प्रहरी कार्यालय काकरभिट्टाले भने सुपारी तस्करीसंग सामान्य भनाभनपछि प्रहरी गोली चलाउन वाध्य भएको बताएका छ । स्थानीयले पूर्व पश्चिम राजमार्ग अवरोध गरेपछि सवारी साधन र यात्रुले सास्ती बेहोर्नु परेको काकरभिट्टाका प्रहरी निरीक्षक सुकदेव खनालले जानकारी दिए ।