पुरै गाउँ नागरिकताविहिन

शुक्रराज लामा,

सर्लाही,वैशाख ३१ । 

सर्लाही पत्थरकोट ७ हिरापुरमा रहेको मुसहर टोलका मुसहरहरुले नागरिकता नपाएको तथ्य खुलेको छ । ४० वर्ष भन्दाबढि समयदेखि बसोबास गर्दै आएका अधिकांशले नागरिकता नपाउदाँ राज्यबाट पाउने हरेक सेवा र सुविधाबाट बञ्चीत हुनुपरेको छ । आफ्नो नागरिकता नहुदाँ छोराछोरीको नागरिकता र नातीनातिनीले पढ्न नपाएको ६० वर्षीय बुदन सदाले दुखेसो व्यक्त गर्नुभयो । 

आफूहरुले पटकपटक नागरिकताको लागि गाविसबाट सिफारीस लिएको भए पनि नागरिकता बनाउनका लागि ५ देखि १० हजार रुपैया सम्म माग गर्ने गरेका अर्का ४२ वर्षीय रोहित सदाले बताउनुभयो । नागरीकताको लागि आवश्यक पर्ने हरेक कागजात पु¥याएको भएता पनि नागरिकता लिने बेला पैसा मागेपछि अहिलेसम्म नागरिकता नलिएको उहाँले बताउनुभयो ।