धनुषामा डकैती

जनकपुर,वैशाख ३१ । 

धनुषाको विषरभोरा वडा नम्वर २ निवासी मोहम्मद जमिर राइनको घरमा गएराती हतियारधारी समूहले डकैती गरेको छ । करिब १६ जनाको समुहमा गएराती आएका हतियारधारी समुहले राइनको घरवाट ६ तोला सुन, ८० तोला चाँदी र ६ लाख नगद रुपैयाँ लुटेर लगेको पीडितले बताउनुभयो ।

 लुटेराको प्रतिकारमा उत्रेका राइनलगायत स्थानिय रामजनम रोहिता, संजीव रोहिता, देवन रोहिता र शिव साहलाई निर्घात कुटपिट पनि गरेको प्रहरीले जनाएको छ । ती मध्ये रामजनम रोहिता र सँजीव रोहितालाई डकैती गर्ने समूहले हानेको बमको छर्रा समेत लोगेको र उनीहरुको स्थानिय स्तरमा उपचार भैरहेको स्थानीयबासिन्दाले जनाएका छन् ।