डेढ वर्षीय बालकको हत्या

राजविराज,  वैशाख ३० । 
सिरहाको कर्जन्हा गाविस–८ परियागपुरमा एक बालकको हत्या भएको छ ।  दुई दिनदेखि हराइरहेका स्थानीय प्रमोद साहको डेढ वर्षीय छोरा किसुन साहको हत्या भएको अञ्चल प्रहरी कार्यालय, राजविराजले जनाएको छ ।

परियागपुर टोलस्थित उखु खेतमा घाँटी थिचेर हत्या भएको अवस्थामा शव फेला परेको सिरहाका प्रहरी उपरीक्षक राजेशलाल कर्णले बताउनुभयो । बालकको हत्या कसले र किन गरेको विषयमा केही खुल्न नसकेको भन्दै उपरीक्षक कर्णले घटनाको विषयमा अनुसन्धान भइरहेको बताउनुभयो ।