आङकाजी शेर्पा पार्टीबाट निस्कासित

काठमाण्डौ,असार २ । 

पटक पटक विवादास्पद अभिब्यक्ति दिँदै आएका आदिवासी जनजाति महासंघका महासचिव तथा एमाले सोलुखुम्बु जिल्ला कमिटीका उपसचिव आङकाजी शेर्पालाई एमालेले पार्टीबाट निश्कासन गरेको छ । आज बसेको एमाले स्थायी समिति बैठकले पार्टी नीति विपरीत काम गरेको भन्दै उनलाई निश्कासन गरेको हो ।

शेर्पाले हिजो मात्रै माओवादीले राजधानीको खुलामञ्चमा गरेको आमसभालाई सम्बोधन गरेका थिए । सम्बोधनको क्रममा उनले जातीय संघीयताको बिरोधमा बोल्नेहरुलाई त्यसै नछाड्ने चेतावनी दिएका थिए ।