जोत्दा जोत्दै हलगोरु मर्यौ

ऋषि राई,उदयपुर,जेठ २३ । 

उदयपुरको  रिस्कू गाविस  ६ ,जोगिडाँडाका कृषक ज्ञानवहादुर थापा मगरको जोतिरहेकै वेला  आईतवार विजुलीको पोल ढलेर लाग्दा करेण्ट लागी हलगोरु जलेर मरेको छ । जोतिरहेकै वेला एक्कासी पोल ढलेर गोरुलाई लागेपछि दुवै गोरु मरेको मगरले वताउनुभयो । 

खेतिपाती लगाउने सिजनमा करेण्ट लागेर हलगोरु मरेपछि मगर परिवार चिन्तित वनेका छन् । हलगोरु मरेपछि ४० हजार वरावरको क्षति भएको मगरले वताउनुभयो ।  । उहाँले  भन्नुभयो  “ के गर्ने जोत्दा जोत्दै गोरु मररेपछि कसरी यसपालीको खेतिपाती लगाईसक्ने भन्ने चिन्ताले सताएको छ । ” 

रिस्कूमा मापदण्ड विपरीत प्राधिकरणले विद्युत विस्तार गरेको स्थानीयवासीहरुको आरोप छ । प्राधिकरणकै  लापार्वाही कै कारण घटना घटेको स्थानीयवासीहरुले वताए । यस वारेमा सुधार ल्याउन  स्थानीयले पटक पटक प्राधिकरणमा उजुरी दिएपनि प्राधिकरणले वास्ता नगरेको स्थानीयवासीहरुको भनाई छ । 

गोरु मरेपछि क्षतिपुर्तिका लागि प्रहरी चौकी रिस्कुमा निवेदन दिएको र चौकीले मुचुल्का समेत उठाईसकेको स्थानीय ईश्वरमणी लामाले जानकारी दिएका छन् । प्रहरी चौकीले समेत लापार्वाही नै भएको हुन सक्ने मुचुल्का उठाएको पनि लामाले जानकारी दिनुभयो । 

जोत्दा जोत्दै करेण्ट लागेर मरेको हलगोरु