मृतकका परिवारलाई सहयोग

खडानन्द तिमल्सिना,सिन्धुली, जेठ २० । 

सिन्धुलीको कमलामाई नगरपालीका वडा नं ६ धुरावजारमा संचालित सिन्धु वचत तथा ऋण सहकारी संस्थाले  स्व. राम वहादुर थापा र दिपक कुमार श्रेष्ठको परिवारलाई जनही दश हजार दश रुपैयाँका दरले आर्थिक सहयोग गरेको छ । सिन्धु वचत तथा ऋण सहकारी संस्थाका शेयर सदस्य भएकाले संस्थाको नियम अनुसार मृतकका परिवार भगवति श्रेष्ठ , र तारादेवी थापा लाई सहयोग रकम उपलव्ध गराईएको हो ।  

यस आर्थिक वर्षमा असामयिक निधन भएका दुई परिवारका शेयर सदस्यलाई सदस्य हितकोषको रकमवाट मिलान गरिनेगरि  सो रमक खर्च गरिएको हो । संस्थामा हरेक वर्ष शेयर सदस्यले पाउने शेयर लाभाशंवाट  प्रति सदस्य रु. पचासका दरले संकलन गरि सदस्य हित कोषमा राखिने व्यवस्था रहेको छ ।

जुन रकम सदस्यहरुको घर परिवारमा आकस्मीक दुर्घटना भएमा नगद विस हजारसम्म आकस्मिक रकम छोटो समयका लागी विना व्याज रकम उपलव्ध गराउने र सदस्यकै देहावसान भएमा आश्रित परिवारलाई रु. दश हजार दश  रुपैयाँ आर्थिक सहयोग गर्ने नियम रहेको छ ।