राष्ट्रिय महिला फुटवल प्रतियोगिता आजबाट
http://sindhulidarpan.blogspot.com/2012/07/sports_14.html
रौतहट,असार ३० ।
१४ औ एनसेल राष्ट्रिय महिला फुटवल प्रतियोगिता आजबाट रौतहटको चन्द्रनिगाहपुर सुरु हुँदैछ । आज दिउँसो ३ बजे सुरु हुने उद्घाटन खेलमा रौतहट र नवलपरासी भिड्ने भएका छन् । राष्ट्रिय खेलकुद परिषदका सदस्य सचिव युवराज लामाले खेलको उद्घाटन गर्नुहुने कार्यक्रम छ । नेपालका २४ वटा महिला फुटवल टिम र ३ वटा विभागीय महिला टिम प्रतियोगितामा सहभागी हुनेछन् ।
प्रतियोगितामा प्रथम हुने टिमले ३ लाख, दोश्रो हुनेले १ लाख ५० हजार र सेमिफाइनलमा पुग्ने २ वटा टिमलाई ५०÷५० हजार रुपैयाँ प्रदान गरिनेछ । प्रतियोगिताको सर्वाेत्कृष्ट खेलाडीलाई स्कुटर दिइनेछ । खेलमा सहभागी हुन विभिन्न जिल्लाबाट खेलाडीहरु रौतहटमा आइपुगेको रौतहट जिल्ला फुटबल संघका अध्यक्ष नेपाल कार्कीले जानकारी दिनुभयो ।
Post a CommentDefault CommentsFacebook Comments
प्रतिक्रीयाका लागि धन्यवाद !