बंकर भत्कदा सेनाको मृत्यु

डोल्पा,भदौ ७ । 

गएराति  वर्षाका कारण बंकर भत्किदा समरसुर गुल्म सुलिगाडका एक जना सेनाको मृत्यु भएको छ भने अरु तीन जना घाइते भएका छन् ।  वर्षाका कारण बंकर भत्किदा समरसुर गुल्म सुलिगाड डोल्पामा कार्यरत तनहु बन्दिपुर गाविस वडा नं. २ का ३६  वर्षका नेपाली सेनाका हवल्दार मित्रलाल गुरुङको मृत्यु भएको हो । 

 नेपाली सेनाका १ जना हवल्दार, एक जना अम र १ जना नाउ भने  घाइते भएका छन् । घाइते इलामका हवल्दार प्रकाश गुरुङ, बारा कलैयाका नाउ श्यामसुन्दर ठाकुर, धादिङ्गका अम रामबहादुर गुरुङलाई नेपाली सेनाको हेलिकोप्टरबाट  उपचारका लागि काठमाण्डौ लगिएको छ ।  वर्षाका कारण डोल्पा जिल्लाको सुलिगाडमा रहेको समरसुर गुल्मको बंकर राति सेना सुतीरहेको अवस्थामा एक्कासी भत्किदा  घटना भएको हो ।