सिन्धुलीमा बस दुर्घटनामा,४ जना गम्भिर घाइते

ध्रुवचन्द्र खड्का,सिन्धुली,साउन ३० । 

सिन्धुलीको कमलामाई नगरपालिका वडा नं. १ कुँडुलेमा आज यात्रुवाहक वस दुर्घटना हुँदा ४ जना गम्भिर घाइते भएका छन् । सदरमुकाम माढीवजारवाट मरिणतर्फ जाँदै गरेको ना २ ख १४१४ नम्वरको सुपर शुभकामना एक्सप्रेस करिव ४ बजेतिर सडकमा पल्टििएर दुर्घटना भएको हो ।

 दुर्घटनामा ४ जना गम्भिर घाइते भएका छन् भने घाइतेहरुलाई उपचारका लागि सिन्धुली अस्पताल लगिएको छ । क्षमता भन्दा वढि यात्रु बोकेका कारण उकालो उक्लिन नसकेर मध्य सडकमै वस पल्टिएर दुर्घटनाग्रस्त भएको हो ।

तस्विर: सेखर मिश्र,फेसवुक ।

 घटनास्थलमा प्रहरी पुगिसकेको र स्थानिय तथा प्रहरीद्धारा उद्धार कार्य जारी रहेको सिन्धुली प्रहरीले जनाएको छ । घटनामा अन्य मानविय क्षति भने नभएको वताइएको छ ।