नेपाललाई विश्व क्रिकेट लिग डिभिजन ४ को उपाधि

काठमाण्डौ,भदौ २५ । 

मलेसियामा जारी आईसीसी विश्व क्रिकेट लिग डिभिजन ४ को उपाधि हात पार्न नेपाल सफल भएको छ । आज भएको खेलमा ८ विकेटले अमेरिकालाई पराजित गर्न सफल भएपछि नेपालले उपाधि जितेको हो ।

 पहिले टस रोजेर ब्याटिङ थालेको अमेरिकाले नेपाललाई जम्मा १ सय ४५ रनको लक्ष्य दिएको थियो । एक सय ४६ रनको लक्ष्य पछ्याएको नेपालले दुई विकेटको क्षतिमा एक सय ४७ जोड्न सफल भयो ।

 खेलमा ज्ञानेन्द्र मल्लको ६६ रनको योगदान रह्यो । नेपाली क्रिकेटको इतिहासमा यो सबैभन्दा ठूलो जित हो । आजको जितसँगै नेपाल डिभिजन ४ को सबै ६ खेलमा विजयी हुने टिम बन्न पनि सफल भएको छ । यसअघि हिजो डेनमार्कलाई २५ रनले हराउँदै नेपाल डिभिजन ३ मा उक्लिन पनि सफल भएको थियो ।