नेपाली क्रिकेट टोलीलाई सम्मान, नगर परिक्रमा

काठमाण्डौ,असोज २९ । 

एसीसी एलिटकप क्रिकेटको उपाधि जित्ने नेपाली टोलीलाई नेपाल क्रिकेट संघ क्यानले आज सम्मान गर्दैछ । सम्मानका साथ नगर परिक्रमा गराउने क्यानले बताएको छ । नगरपरिक्रमा सहितको अभिनन्दन केहीबेरअघि काठमाण्डुको नक्सालबाट सुरु भएको छ ।

 नक्सालमा रहेको हाटेल क्राउनप्लाजा बाट सुरु भएको  नगर परिक्रमा नारायणहिटी, बागबजार, पुतलिसडक, भृकुटीमण्डप हुँदै दशरथ रंगशालामा पुगेर टुङ्गीनेछ । नगर परिक्रमा पछि विशेष कार्यक्रम गरेर खेलाडीलाई जनही ३० हजार रुपैयाँ पुरस्कार पनि दिइनेछ ।