लुटेरा युवालाई स्थानीयबासिन्दाले प्रहरीमा बुझाए

प्रकाश सुन्दास, 

काभ्रे,असोज २९ । 

सिन्धुपाल्चोक जिल्लाको मांखा गाविसका स्थानीयबासिन्दले दुई जना लुटेर युवाहरुलाई नियन्त्रणमा लिइ प्रहरीको जिम्मा लगाएका छन् । लुटेराहरुको समूहले काठमाण्डौबाट दशै मनाउन हिजो घर जाँदै गर्नुभएका मांखा गाविस वडा नम्बर ४ का ताराप्रसाद पराजुलीलाई गाविसको सेतीदेवी प्राथमिक विद्यालय नजिकै राति साँढे ७ बजेतिर नियन्त्रणमा लिइ निरघात कुटपिट गरी नगद २१ हजार र १ थान मोबाइ सेट लुटेका थिए । 

लुटपाटमा संग्लन सोहि गाविस वडा नम्बर ६ का जीवन तामाङ र सोमबहादुर तामाङलाई प्रहरीमा बुझाइएको छ ।  लुटपाटपछि घरमा बसी रहेका युवाहरुलाई स्थानीयबासिन्दाले चारैतिरबाट घेराहाली राती पक्राउ गरेर लामुसाँघु स्थित प्रहरी चौकीमा बुझाएको सेतीदेवी प्राविका शिक्षक ठाकुरप्रसाद आचार्यले जानकारी दिनुभयो ।   थप अनुसन्धानका लागि युवाहरुलाई इलाका प्रहरी कार्यालय बाह्रविसे लगिएको जिल्ला प्रहरी कार्यालय सिन्धुपाल्चोकले जनाएको  छ ।