नेपालद्वारा साउदी अरेबिया ९ विकेटले पराजित

काठमाण्डौ,असोज २१ ।

युएईमा जारी एसीसी ट्रफी एलिट कप क्रिकेटमा आज नेपालले साउदी अरेबियालाई फराकिलो अन्तरले हराएको छ । पहिले ब्याटिङ गरेको साउदीले दिएको १३२ रनको लक्ष्य नेपालले निर्धारित ओभर अघि नै अर्थात १३ दशमलव १ ओभरमा एक विकेटको क्षतिमै पुरा गरेको हो । 

टस हारेर ब्याटिङ गरेको साउदीले ४८ दशमलव २ ओभरमै सबै विकेट गुमाएर १३१ रन बनाएको थियो । समूह बी मा रहेको नेपालले यसअघि एक खेलमा जित र एकमा हार व्यहोरेको थियो भने समूह चरणको अन्तिम खेलमा हङकङसँग भिड्नु पर्नेछ ।