सर्लाहीमा अनुगमन कार्य तिब्र,५ सय ७० लिटर घरेलु मदिरा बरामद

सुनिल ठाकुर,

सर्लाही,असोज २४ । 

संयुक्त अनुगमन टोलीले सर्लाही सदरमुकाम मलंगवाबाट घरेलु मदिरा, मदिरा बनाउने कच्चा पदार्थ तथा मदिरा बनाउने भाँडाकुडा हिजो साँझ बरामद गरेको छ ।

 जिल्ला प्रशासन कार्यालय, जिल्ला प्रहरी कार्यालय र सशस्त्र प्रहरीको संयुक्त टोलीले मलंगवाको विभिन्न घरमा छापा हान्दा ५ सय ७० घरेलु मदिरा, ५ हजार ७ सय मदिरा बनाउने कच्चा पदार्थ तथा २१ थान मदिरा बनाउने भाँडाकुडा बरामद गरेको सशस्त्र प्रहरी बल सीमा सुरक्षा कार्यालय सर्लाहीले जनाएको छ । 

बरामद गरिएको मदिरालाई राति नै नष्ट गरिएको प्रहरीले जनाएको छ । नजिकिंदै गरेको चाडवर्पलाई लक्षित गरि संयुक्त अनुगमन टोलीले बजार तथा होटलहरुको अनुगमनलाई तिब्र बनाएको हो ।