मिथिलाञ्चलमा कोजाग्रत पूर्णिमा धुमधामका साथ मनाइदै

महोत्तरी,कात्तिक १३ । 

मिथिलञ्चलमा  आज  धुमधामका साथ कोजाग्रत पूर्णिमा मनाइदै छ ।  एक वर्षको अवधिमा वैवाहिक बन्धनमा बांधिएका ब्राम्हण, कायस्थ, सोनारलगायतका जातिका केटा पक्षलाई केटी पक्षले फलफुल, मिष्टान, लत्ताकपडासहित पान र मखानको कोसेली अर्थात भाड दिने चलन छ ।  ससुरालीबाट आएको यी सामाग्रीहरुले रीतिरिवाज अनुसार केटालाई चुमाऔन गरिने छ । 

 यस्तै, कोजाग्रत पूर्णिमाको अवसरमा जानकी मन्दिरमा महोत्तरी जिल्लाको दनौलीबाट पान मखान, मिष्टानलगायतको कोसेली पठाउने चलन छ । हरेक वर्ष दनौलीबाट कोजाग्रत पूर्णिमामा दनौलीबाट भार आउने गरेको छ ।  जानकी मन्दिरलगायतका मठ मन्दिरहरुमा कोजाग्रत पूर्णिमाको अवसरमा विशेष पूजाअर्चना गरिन्छ । साँझ जानकी मन्दिरमा भगवानलाई बाहिर राखि विशेष पूजाअर्चना गर्ने चलन छ ।