सिन्धुलीमा सिलिन्डर ग्यासँ विष्फोट

ध्रुवचन्द्र खड्का,

सिन्धुली,कार्तिक ३ । 

विहीवार राती सिन्धुली स्थित कनपा ६ दुई नं. बजारमा रहेको सिन्धुलीगढी होटलमा ग्यासँ सिलिन्डर विष्फोट भएको  छ । विष्फोटबाट घरमा सामान्य क्षति पुगेको जिल्ला प्रहरी कार्यालय सिन्धुलीका प्रहरी नायव उपरिक्षक सानुराम भट्टराईले जानकारी दिनुभयो । राती करिव पौने १२ बजे भएको विष्फोटबाट घरका झ्यालका सिशाहरु फुटेको र केही सामान जलेपनि कुनै मानविय क्षति नभएको प्रहरीले जनाएको छ ।

 रातीनै सुरक्षाकर्मीको सक्रियतामा आगो नियन्त्रणमा लिएको भट्टराईले जानकारी दिनुभयो । ग्याँस खूल्लै राखेकाले विष्फोट भएको प्रहरीले जनाएको छ । चाडवाडका समयमा वढि ग्याँस प्रयोग गरिने भएकाले सचेत भएर ग्याँसको प्रयोग गर्न समेत उपभोक्ताहरुलाई आग्रह गरिएको छ । साथै काम सकिएपछि ग्याँसकोरेगुलेटर वन्द गरेर सुरक्षित हुन पनि अनुरोध गरिएको छ ।