रामेछापमा नागरिकता र राहदानी बनाउनेको भिड

सन्तोष ढुङ्गेल, 

रामेछाप,कात्तिक १७ । 

दशैं र तिहारको बिदामा घर आएकाहरुको जिल्ला प्रशासन कार्यालय रामेछापमा नागरिकता तथा राहदानी बनाउन भिड लाग्ने गरेको छ । दशैं बिदा सकिए लगत्तै कार्यालयमा सेवाग्राहीहरुको भिड लाग्न शुरु गरेको हो । दशैंमा जिल्ला बाहिरबाट घर आएकाहरु आफ्नो काम एकै पटक सकेर फर्कनका लागि जिल्ला प्रशासन कार्यालय रामेछापमा पुग्ने गरेका छन् । कार्यालयमा अधिकांश सेवाग्राहीहरु नागरिकताको प्रमाणपत्र र राहदानीको सिफारिसका लागि आउने गरेको जिल्ला प्रशासन कार्यालय रामेछापले जनाएको छ । दशैंपछि कार्यालय खुल्ना साथ दैनिक ३ सय भन्दा बढी सेवाग्राहिहरु कार्यालयमा पुग्ने गरेका छन् ।