बडुवाल भेडा लोप हुदै

सिन्धुली,पुस २२ ।
सिन्धुली जिल्लामा मात्र पाउने बडुवाल भेडा लोप हुन लागेको छ । बडुवाल भेडा सिन्धुलीमा लोप हुन लागेको ले यसको संरक्षण आवश्यक रहेको जिल्ला पशुसेवा कार्यालय सिन्धुलीले जनाएको छ । पशुपालन व्यवसायसँग सम्वन्धीत रहेर गाउँगाउँमा कार्याक्रम लगायतका एनजीओ आइएनजीओ ले समेत बडुवाल भेडा सिन्धुलीवाट लोपहुन लागेको जनाएका छन । सिन्धुली जिल्लाको कोशी गडतिर तर्फ पाइने सुन भेडाको संरक्षण गर्न नसकिए केहि वर्षमै लोप हुने अवस्थामा पुगेको भन्दै पशु क्षेत्रमा काम गर्ने सरोकारका निकायहरुको सहकार्यमा यसको संरक्षण गर्नुपर्नेमा पशुसेवा कार्यालयले जोड दिएको छ ।

 जिल्ला पशुसेवा कार्यालयको तथ्याङक अनुसार ३ वर्ष अघि जिल्लामा यो भेडाको संख्या २ सय ४७ रहेको थियो । अहिले यस भेडाको सख्या जिल्लामा कति रहेको छ भन्ने तथ्याङ्कक कुनैपनि निकायसँग छैन । यो भेडाको उन, छाला र मासुको माग बढी रहेको बताउँदै यसको संरक्षणमा सहयोग गर्न कार्यालयले सबै संघसंस्थालाई आग्रह गरेको छ । यसको संरक्षणका लागि पशुका क्षेत्रमा काम गर्ने सबै संघसंस्थाहरुले समन्वय गरेर अगाडि बढ्नुपर्ने सरोकारवालाहरुले वताएका छन ।