सिन्धुलीमा ग्रिन कार्ड वितरण गरिदै

सिन्धुली,माघ १० ।
कमलामाई नगरपालीका सिन्धुलीले एक घर पाँच रुख हुर्काउने परिवारलाई ग्रिन कार्ड उपलव्ध गराउने भएको छ । कमलामाई नगरपालीकाको १८ औं नगर परिषदको निर्णय अनुसार सो कार्यक्रम अगाडी सारिएको कार्यकारी अधिकृत युवराज आचार्यले जानकारी दिनुभयो । 

नगरको वातावरणलाई ध्यानमा राख्दै अव देखी नगरपाली भित्र नयाँ घर वनाउने पाँच वटा रुख अनिवार्य रोप्नु पर्ने भएको छ । पहिले निर्माण भै सकेका घरहरुले पाँच रुख हुर्काए ग्रिनकार्डको व्यवस्था गरिएको कार्यकारी अधिकृत आचार्यले जानकारी दिनुभयो । पाँच रुख हुर्काउने व्यक्तीलाई नगरपालीकाले अन्य सेवा सुविधामा सहुलियत दिईने निती कमलामाई नगरपालीकाले लिएको छ ।